Վրաստանի առողջապահության նախարարության ներկայացուցիչները ծրագրում են կապվել ՀՀ առողջապահության նախարար Արսեն Թորոսյանի հետ, որ կասկած է հայտնել COVID-19-ի վերաբերյալ Վրաստանի ներկայացրած վիճակագրության շուրջ: Այս մասին հայտարարել է գերատեսչության ղեկավար Եկատերինա Տիկարաձեն`«Ռուսթավի -2»հեռուստաընկերության եթերում՝ գրում է ekhokavkaza.com-ը:
«Համաճարակի սկզբից ի վեր մենք բազմիցս խոսել ենք հեռախոսով, որոշակի խորհրդակցություններ ենք անցկացրել՝ համեմատելով մեր երկրներում տիրող իրավիճակները: Եթե նա հարցեր ուներ, կարող էր այս միջոցը օգտագործել հաղորդակցման համար: Մենք կպատասխանեինք բոլոր հարցերին», – ասել է Տիկարաձեն՝ նշելով, որ Վրաստանը զգալի հաջողությունների է հասել կորոնավիրուսի դեմ պայքարում: