Արդարադատության նախարար Ռուստամ Բադասյանը նախօրեին վարչապետ Նիկոլ Փաշինյանին հանգամանորեն բացատրեց ու հիմնավորեց, թե ինչու հնարավոր չէ կիրառել այն բոլոր գործիքները, որոնք պետք է դառնային հեղափոխության հաղթանակի ու շարունակության ինստիտուցիոնալ հիմքը՝ վեթինգ, անցումային արդարադատություն, բարեվարքության կանոներ։ Այս և այլ թեմաների շուրջ «Առաջին լրատվական»-ը զրուցել է փաստաբան Նորայր Նորիկյանի հետ:
Ռուստամ Բադասյանի հավաստմամբ՝ դատական օրենսգրքի մեխանիզմները թույլ են տալիս դատական համակարգում աստիճանական առողջացում կատարել, իսկ համատարած վեթինգը կարող է բացասական արդյունքներ ունենալ: Այսինքն՝ իշխանությունը նահանջում է, այդ դեպքում ի՞նչ ենք ունենալու արդյունքում: Անդրադառնալով այս դիտարկումներին ու հարցադրումներին՝ Նորայր Նորիկյանը նշեց. «2018թ. հեղափոխությունից հետո ՀՀ դատաիրավական համակարգը հայտնվել է հանրային քննարկման օրակարգերի կիզակետում և դա բնական է, որովհետև եթե անգամ 10 հեղափոխություն անենք և չկարողանանք լուծել դատական համակարգի խնդիրը և ստեղծել անաչառ համակարգ, որը պետք է իրականացնի իրական արդարադատություն, որևէ խնդիր չենք կարող լուծել… 2019թ. Նիկոլ Փաշինյանը կառավարությունում հայտարարեց, որ եկել է դատական համակարգում վիրահատական միջամտություններ իրականացնելու ժամանակը և թվարկեց հինգ կետ, այդ թվում՝ նաև վեթինգի իրականացումը… Այսօր հանգել նրան, որ գործիքակազի ներդրումը հակասում է Սահմանադրությանը, նշանակում է, որ չեք հաշվարկել քայլերը, հանրությանը անիրական խոստումներ եք տվել, մինչդեռ հնարավոր էր նորմատիվային բազան և Սահմանադրությունը փոխելով՝ հասնել այդ ռազմավարական նպատակների իրագործմանը:
Մանրամասն՝ տեսանյութում: