Քվեարկության արդյունքներով ԱՄՆ Սենատը չի կարողացել հաղթահարել նախագահ Դոնալդ Թրամփի վետոյի որոշումը, որով սահմանափակվում է նախագահի լիազորությունները Իրանի դեմ ռազմական գործողություններ անցկացնելու վերաբերյալ:
Առնվազն 67 սենատոր պետք է քվեարկեր վետոյի հաղթահարման օգտին, բայց նրանցից միայն 49-ն էր կողմ, դեմ `44-ը:
Ավելի վաղ Թրամփը հայտարարել էր, որ կոնգրեսի բանաձևը հիմնված է «փաստերի և օրենքի սխալ ընկալման վրա»: Նա նաև պնդել էր, որ հունվարին Բաղդադում իրանական գեներալ Քասիմ Սուլեյմանիի սպանությունը Բաղդադում՝ Միացյալ Նահանգներին Իրանի հետ ռազմական բախման եզրին դնելով, համապատասխանում էր ԱՄՆ օրենսդրությանը:
Մարտին բանաձևին աջակցեցին կոնգրեսականների մեծ մասը: Դրանից առաջ փետրվարին այն հաստատվել էր Սենատի կողմից, որտեղ մեծամասնությունը պատկանում է հանրապետականներին, և ոչ թե դեմոկրատներին, ինչպես Ներկայացուցիչների պալատում: Սա ազդանշան էր վարչակազմին այն մասին, որ նույնիսկ Թրամփի կուսակիցները չեն կիսում Իրանի վերաբերյալ նախագահի կարծիքը և վախենում են, որ ԱՄՆ-ը կներքաշվի Իսլամական հանրապետության հետ պատերազմի մեջ:
