Բելառուսի վարչապեպ Սերգեյ Ռումասը ասել է, որ Եվրասիական տնտեսական միության (ԵՏՄ) նպատակը պետք է լինի տնտեսության լուրջ ապադոլարացումը։ Այդ մասին հայտնում է Interfax-ը:
Ռումասը նշել է, որ ԵՏՄ երկրները պետք է բարձրացնեն գնագոյացումը և ազգային արժույթներով հաշվարկները, որպեսզի ապադոլարացվի միության տնտեսությունը: Նա ասել է, որ դա նախևառաջ պետք է վերաբերվի վառելիքին, էներգիային և հումքին:
Բելառուսի վարչապետի խոսքով՝ ներկայումս միությունը պետք է պատրաստ լինի այն կարևոր հարցերի շուտափույթ լուծմանը, որոնք ավելի վաղ հետաձգվում էին։