Իսլանդիայում հիվանդը միանգամից վարակվել է նոր կորոնավիրուսի երկու շտամներով, գրում է Reykjavík Grapevine-ն:
Նշվում է, որ երկրորդ շտամը կորոնավիրուսի սկզբնական տարբերակի մուտացիան է, որը հայտնվել է Չինաստանի Ուհան քաղաքում: deCODE genetics կենսաբժշկական ընկերության ղեկավար Քարի Ստեֆանսոնը հայտարարել է, որ սա հնարավոր է կրկնակի վարակի առաջին հայտնաբերված դեպքն է:
Մասնագետը հավելել է, որ երկրորդ շտամն ավելի ագրեսիվ է, քանի որ հիվանդը հենց դրանով է վարակել մի քանի մարդու:
Համաձայն վերջին տվյալների, աշխարհում նոր տեսակի կորոնավիրուսով վարակվածների քանակը գերազանցել է 409 հազարը, մահացել է 18.2 հազար մարդ, ավելի քան 106.5 հազար մարդ ապաքինվել է: Իսլանդիայում վարակի 648 դեպք է հայտնաբերվել: