Կալիֆոռնիայի նահանգապետ Գևին Նյուսոմը արտակարգ դրություն է սահմանել նահանգում COVID-19 կորոնավիրուսի պատճառով: Այդ մասին հայտնում է Կալիֆոռնիայի նահանգի արտակարգ իրավիճակների վարչության կայքը։
Ըստ աղբյուրի՝ արտակարգ դրությունը մտցվել է, որպեսզի նահանգի իշխանությունները կարողանան լրացուցիչ ֆինանսական միջոցներ ներգրավել վարակի դեմ պայքարելու համար, պաշտոնական կարգավիճակ տալ այն միջոցներին, որոնք արդեն ձեռնարկվում են բազմաթիվ պետական ձեռնարկություններում, ինչպես նաև նախապատրաստվել կորոնավիրուսի ավելի ընդգրկուն տարածմանը:
Կալիֆոռնիայում ներկայում հաստատված է կորոնավիրուսով վարակման 54 դեպք: Բացի այդ, COVID-19-ից մահվան առաջին դեպքն է գրանցվել Վաշինգտոնի նահանգի սահմաններից դուրս: Միացյալ Նահանգներում ընդհանուր առմամբ կորոնավիրուս է հայտնաբերվել ավելի քան 150 մարդու մոտ, որից 11-ը մահացել է: