ԱԺ պետական-իրավական հարցերի մշտական հանձնաժողովը այսօր՝ փետրվարի 25-ին, հրավիրել է խորհրդարանական լսումներ՝ «Հայաստանի Հանրապետության դատական օրենսգիրք» սահմանադրական օրենքում փոփոխություններ և լրացումներ կատարելու մասին»:
«Դատարանները կոչված են երաշխավորելու երկրի իրավական անվտանգությունը և իրավական համակարգի կայունությունը»,- հայտարարեց Մարդու իրավունքների պաշտպան Արման Թաթոյանը:
Նրա խոսքով, սակայն, դատական համակարգում առկա են տարիներով կուտակված և քրոնիկ դարձած խնդիրներ. «Առանձին դատավորներ իրենց վարքագծով նույնիսկ վնասում են դատական համակարգի հեղինակությունը: Դատավորներին պատասխանատվության ենթարկելու մեխանիզմները տարիներ շարունակ արդյունավետ չեն եղել»:
Նրա խոսքով՝ օրենսդրությունը պետք է լիարժեք կիրառվի պրակտիկայում:
ՄԻՊ-ն անդրադարձավ ողջամիտ ժամկետում գործերի քննությանը և նշեց, որ այդ առումով դիմում է ուղարկել ՍԴ: Նա, խոսելով դատարանների ծանրաբեռնվածության մասին, նկատեց, որ միջազգային ցուցանիշներով Հայաստանը շատ վատ վիճակում է գտնվում:
Մանրամասները՝ տեսանյութում:
