Covid-19 նոր կորոնավիրուսի հարուցած թոքաբորբը բարդություններ չի առաջացնում ապաքինումից հետո: Այդ մասին լրագրողներին հայտարարել է Չինաստանի Գիտությունների ակադեմիայի անդամ Վան Ֆուշենը Պեկինում կայացած մամուլի ասուլիսում:
Նրա խոսքով՝ հիվանդության կլինիկական ախտանիշներն անհետանում են մեկ շաբաթվա ընթացքում, իսկ հիվանդության թեթև ու միջին ձևով հիվանդների բաժինը գերազանցում է 80 տոկոսը: Գիտնականը նշել է, որ ճիշտ ռեժիմի դեպքում. լավ հանգիստ, սնունդ, դեղորայքի ժամանակին ընդունում, մարդու իմունիտետն ունակ է ինքը հաղթելու վարակը: «Հիվանդությունը մեծավ մասամբ անցնում է առանց հետևանքների, ուստի խուճապի համար հիմքեր չկան»,- ընդգծել է ակադեմիկոսը:
Ավելի վաղ Չինաստանի Առողջապահության գործերի կոմիտեն արդեն հայտնել էր, որ եիտասարդները և երեխաները հիվանդությունը թեթև են տանում: Covid-19-ն առավել մեծ վտանգ է ներկայացնում տարեց մարդկանց համար:
