Անձը, որը հրաժարվել է հանել հակագազը, հեռացվել է American Airlines ավիաընկերության ինքնաթիռից, հաղորդում են ամերիկացի լրագրողները:
Հակագազով ուղևորը փորձել է մուտք գործել Դալաս-Հյուսթոն չվերթն իրականացնող ինքնաթիռ:
Բորտուղեկցորդները նրան խնդրել են հանել հակագազը, քանի որ մյուս ուղևորները սկսել են բողոքել նրանից: Բայց տղամարդը հրաժարվել է և նրան հեռացրել են թռիչքից, ինչի հետևանքով այն գրեթե մեկ ժամով հետաձգվել է:
«Նրա դեմքը տեսանելի չէր, ով էր նա, անհնար էր հասկանալ: Մարդիկ վախենում էին, որ նա ինչ-որ բան է բերել ինքնաթիռ և հակագազ է կրում իր անվտանգության համար»,- պատմել է ուղևորներից Ջոզեֆ Սեյը:
Սկզբում Սեյը կարծել է, որ հակագազն ինչ-որ կերպ կապված է Չինաստանում և աշխարհի այլ երկրներում կորոնավիրուսի բռնկման հետ: «Բայց հետո ես նկատեցի, որ հակագազը ֆիլտր չունի, ուստի այս տեսությունն անիմաստ էր դառնում,- պատմել է ուղևորը:- Կինը, որը նստած էր նրա կողքին, ասաց, որ նա այդ կերպ ուզում էր ինչ-որ բան ասել: Բայց ինչ, չգիտեմ»:
Ուղևորին թույլատրել են թռչել հաջորդ չվերթով, բայց միայն հակագազը հանելուց հետո: