Apple-ը կարողացել է ռեկորդային շահույթ արձանագրել մինչ Չինաստանում մահացու կորոնավիրուսների բռնկումը:
Այդ մասին են վկայում ընկերության կայքում հրապարակված եռամսյակային հաշվետվությունները:
Apple-ի եկամուտները 2020 ֆինանսական տարվա առաջին եռամսյակի համար ( 2019-ի հոկտեմբերից դեկտեմբեր) կազմել են 91,8 միլիարդ դոլար, ինչը 9 տոկոսով ավելին է, քան 2019-ի ֆինանսական տարվա նույն ժամանակահատվածում և ռեկորդային է ընկերության համար: Իր հերթին զուտ շահույթը կազմում է 22,2 միլիարդ դոլար:
Apple-ը գրանցել է ռեկորդային ցուցանիշներ հիմնականում ԱՄՆ-ից դուրս վաճառքի շնորհիվ․ այն կազմել է ամբողջ հասույթի 61 տոկոսը: Ամենավաճառվողները iPhone 11 և iPhone 11 Pro սմարթֆոններն են եղել:
