Վարչապետ Նիկոլ Փաշինյանն այսօր կրկին անդրադարձել է գրիչի պատմությանը: Ֆեյսբուքյան ուղիղ եթերում նա հայտարարել է. «Հրայր Թովմասյանը ՍԴ նախագահ է դարձել կեղծիքով, և կեղծիքով այդ պաշտոնին հայտնված մարդը չի կարող աշխատել»: Ամբողջ խնդիրն այն է, թե ինչպես է Հրայր Թովմասյանը հեռանալու այդ պաշտոնից, որտեղ հայտնվել է կեղծիքով:
Ուշագրավ է նաև այն, որ Թովմասյանի հետ ասուլիսով սրված բանավեճի ֆոնին բավականին հապճեպ և հետաքրքիր ներգրավում ունեցավ ԱԱԾ նախկին տնօրենը, որի անունը նույնպես անուղղակիորեն կապվում է այս պատմության հետ:
Թեմայի շուրջ «Առաջին լրատվական»-ի հետ քննարկմանը մասնակցեցին Գերագույն խորհրդի նախկին պատգամավոր Ազատ Արշակյանը, քաղաքագետ Ռուբեն Մեհրաբյանը և ՀԱԿ իրավական հանձնաժողովի ներկայացուցիչ Արմեն Խաչատրյանը:
Քննարկման մասնակիցների կարծիքով՝ Հրայր Թովմասյանը ոչ թե Սահմանադրական դատարանի նախագահ է, այլ նախկին ռեժիմի սպասարկուն է:
Ազատ Արշակյանի կարծիքով՝ Սահմանադրական դատարանի հարցը պետք էր լուծել ոչ թե իրավական, այլ հեղափոխական ճանապարհով:
Արմեն Խաչատրյանի դիտարկմամբ՝ երբևէ գաղտնիք չի եղել, թե Հրայր Թովմասյանը ինչ ճանապարհով է դարձել ՍԴ անդամ, ապա նաև նախագահ: «Անհերքելի փաստերը շատ են, որ Հրայր Թովմասյանը խուլիգանություն է արել՝ որպես Աժ աշխատակազմի ղեկավար, ինչպես նաև որպես ՍԴ նախագահ:
Ռուբեն Մեհրաբյանի դիտարկմամբ՝ Նիկոլ Փաշինյանը կարևոր արձանագրում արեց, դա այն է, որ առայժմ ՀՀ Սահմանադրությանը համապատասխան Սահմանադրական դատարան չունենք: «Սա ի՞նչ է նշանակում. դատական իշխանությունը դեռևս մնում է անձեռնմխելի՞ հեղափոխության կողմից: ԱԺ-ն պետք է կատարեր իր սահմանադրական պարտականությունը և ընտրեր ՍԴ դատավորներ և անդամներ: Դա անելու փոխարեն ԱԺ Պետաիրավական հարցերի հանձնաժողովը չգիտենք, թե ինչով է զբաղված»:
Քննարկման մասնակիցների դիտարկմամբ՝ Պետաիրավական հանձնաժողովը մարդասիրական միջանցք թողեց, որպեսզի ՍԴ անդամները անաղմուկ հեռանան: «ՍԴ հարցը մտել է փակուղի, մինչդեռ մուրճն էլ, մեխն էլ ԱԺ-ի ձեռքում է»,- նկատեց Ռ. Մեհրաբյանը:
Մանրամասն՝ տեսանյութում: