«Մամուլի հետ սուրճ» հաղորդման հունվարի 22-ի հյուրը «Քաղաքացիական պայմանագիր» կուսակցության հանրային կապերի խմբի համակարգող Վահագն Ալեքսանյանն է։
Մեր զրուցակիցն անդրադարձավ ներքաղաքական մի շարք ուշագրավ հարցերին, խոսեց նաև Վատիկանում ՀՀ նախկին դեսպան Միքայել Մինասյանի գրառման մասին.««Սրանք մարդ չեն» արտահայտությանը կուզեմ հակադարձել հետևյալ կերպ. երևի մարդը իր հայրն է, որ մեղադրվում է ուսուցիչների սոցփաթեթներն ուտելու մեջ։ Երևի մարդու մասին պատկերացումներն ու իդեալները Միքայել Մինասյանի մոտ սահմանափակվում են իր հորով, ի դեպ, որի գտնվելու վայրն այդպես էլ Մինասյանն իր երկար, լալահառաչ տեքստում չի ասում»։
Ըստ Ալեքսանյանի՝ կատարյալ սուտ ու տխմարություն է Միքայել Մինասյանի այն ասածը, թե մարդիկ հետապնդվում են իր գրառումները հավանելու, մեկնաբանելու ու կիսվելու համար։
Հարցազրույցն ամբողջությամբ՝ տեսանյութում