Համացանցում է հայտնվել ՌԴ նախկին վարչապետ Դմիտրի Մեդվեդևի և նրա իրավահաջորդ Միխայիլ Միշուստինի բանակցությունները Ռուսաստանի նախագահ Վլադիմիր Պուտինի հետ հանդիպումից առաջ: Տեսանյութը հրապարակել է RIA Novosti-ն:
Նախկին և ներկա վարչապետերի զրույցի բովանդակության մասին ոչինչ չի հաղորդվում: Նշվում է, որ Մեդվեդևն ու Միշուստինը հանդիպել են նախքան պետության ղեկավարի հանդիպումը Անվտանգության խորհրդի մշտական անդամների հետ: Հանդիպման ընթացքում Պուտինը տեղեկացրել է, որ հունվարի 19-ին Բեռլինում մասնակցելու է Լիբիայի հարցով միջազգային խորհրդաժողովին:
Ինչպես հաղորդվում է Կրեմլի կայքում, հանդիպմանը քննարկվել են նաև երկրի սոցիալ-տնտեսական զարգացմանը վերաբերող հարցեր:
