Գիտնականները միջերկրածովյան սննդակարգի արդիականացված տարբերակն են առաջարկել նրանց համար, ովքեր չեն կարողանում հրաժարվել մսեղենից։ Նկարագրությունը բերված է Nutrients ամսագրում։
Աշխարհում սնվելու ամենաառողջ տարբերակը միջերկրածովայինն է համարվում։ Այն օգնում է պահպանել սրտի, անոթների և գլխուղեղի առողջությունը, ինչը բարենպաստ ազդեցություն է ունենում նեյրոհոգեբանական և կոգնիտիվ գործառույթների վրա։
Միջերկրածովյան տիպիկ սննդակարգը ներառում է ձիթայուղ, մրգեր, բանջարեղեն, ընդեղեն, թթվասեր, սերմեր, ոլոռազգիներ, պաստա և ձավարեղեն, չափավոր քանակությամբ ձկնեղեն, ծովամթերք և կարմիր գինի, ինչպես նաև քիչ քանակությամբ կարմիր միս և քաղցրեղեն։
Ավստրալիացի գիտնականները միջերկրածովյան սննդակարգի արդիականացված տարբերակն են մշակել մսակերների համար։ Օրիգինալից այն տարբերվում է նրանով, որ շաբաթական լրացուցիչ 250 գրամ ոչ յուղոտ խոզի միս է թույլատրում օգտագործել։ Այս տարբերակը, որը հեղինակներն անվանել են Med-Pork, հարմար է նաև նրանց համար, ովքեր չեն ուտում կարմիր միս կամ ձուկ։