Փորձագետները կազմել են առաջարկությունների ցանկ նրանց համար, ովքեր ցանկանում են խթանել իրենց օրգանիզմի նյութափոխանակությունը, գրում է Food News-ը:
Նախևառաջ, սննդաբանները խորհուրդ են տալիս ավելի շատ հեղուկներ օգտագործել. օրական մեկուկես լիտր ջուրը (առնվազն վեց բաժակ) տարեկան լրացուցիչ 17,4 հազար կիլոկալորա է այրում: Բացի այդ, նյութափոխանակությունը արագացնելու համար խմեք բուսական թեյ և կերեք շատ ջուր պարունակող սնունդ, օրինակ՝ վարունգ, թուրինջ, ձմերուկ և այլն:
Բացի այդ, խորհուրդ է տրվում բջջանյութով հարուստ սնունդ ընդունել, օրինակ՝ խնձոր, բրոկկոլի, կանաչ ոլոռ, տանձ, ազնվամորի և շաղգամ:
Մասնագետները հիշեցրել են նաև, որ ընդամենը մեկ թեյի գդալ մանանեխը արդեն մի քանի ժամ անց կարող է զգալիորեն արագացնել նյութափոխանակությունը:
Ի թիվս այլ առաջարկությունների, ամեն օր երկուսուկես րոպե ինտենսիվ ֆիզիկական վարժությունները, հաճախ ծիծաղելն ու ննջարանում 19 աստիճան կայուն ջերմաստիճան պահպանելը նույնպես կնպաստեն նյութափոխանակության արագացմանն ու առհասարակ առողջ ապրելակերպին:
