«2019-ի ընթացքում արդարադատության նախարարությունն իրականացրել է բազմաթիվ աշխատանքներ, և դրանց արդյունքում մինչև 2023թ. կյանքի են կոչվելու երեք կարևոր ոլորտային ռազմավարություններ. խոսքը դատաիրավական բարեփոխումների, քրեակատարողական և պրոբացիայի ոլորտի ռազմավարության և հակակոռուպցիոն ռազմավարության մասին է: 2019-ին դրվել է բարեփոխումների սկիզբը, հույս ունենք, որ առաջիկա տարիներին կկարողանանք տրամաբանական ավարտին հասցնել բարեփոխումների շղթան և ունենալ ցանկալի արդյունք»,- այս մասին «Առաջին լրատվական»-ի հետ զրույցում ասաց արդարադատության փոխնախարար Սրբուհի Դալյանը՝ հավելելով, որ ակտիվ կերպով վերամշակվում են նաև մարդու իրավունքների ռազմավարությունը և ոստիկանության ոլորտի բարեփոխումների ծրագիրը:
Փոխնախարարի հավաստմամբ՝ 2019-ին արդարադատության նախարարության նախաձեռնությամբ ընդունվել են բազմաթիվ օրենքներ, մշակվել են կարևոր օրենքների նախագծեր. «Դրանցից կառանձնացնեմ երկուսը՝ Հանցավոր ենթամշակույթի դեմ պայքարի մասին օրենքի նախագիծը, և երկրորդ նախագիծը բանկային գաղտնիքի ստացման ընթացակարգին է վերաբերում, որը պարզեցվում է, բայց միևնույն ժամանակ սահմանվում են հստակ երաշխիքներ, որոնց պահպանմամբ միայն վարույթ իրականացնող մարմինները դատարանի որոշմամբ հնարավորություն կունենան ստանալ բանկային գաղտնիք կազմող տեղեկատվություն: Սա միտված է նրան, որ ֆինանսական և կոռուպցիոն բնույթի հանցագործությունների քննությունը հնարավորինս արդյունավետ լինի:
2019-ին նաև ստեղծվել Կոռուպցիայի կանխարգելման հանձնաժող, որի ստեղծման գործում նախարարության ջանքներն անգնահատելի են»:
Մանրամասն՝ տեսանյութում։