Չեռնոգորիայի քաղաքացիները, որոնք բողոքում են «Կրոնական ազատությունների մասին» օրենքի ընդունման դեմ, շրջափակել են երկրի քաղաքների, առափնյա շրջանների և հիմնական մայրուղիների մեծ մասը: Այս մասին TASS-ին հայտնել է ընդդիմադիր «Ժողովրդավարական ճակատ» կուսակցության առաջնորդ Անդրիա Մանդիչը:
«Մենք կարող ենք ազատորեն ասել, որ Չեռնոգորիայի քաղաքների մեծ մասը այս պահին շրջափակված է: Մենք ցանկանում ենք, որ գտնվի փոխզիջում, և Չեռնոգորիայի սերբական ուղղափառ եկեղեցու ունեցվածքը չբռնագրավվի»,- ասել է Մանդիչը:
«Մեր հետագա ծրագիրը կրոնական ազատության մասին օրենքի ընդունումը, որն ուղղված է ուղղափառության դեմ, կանխարգելելն է: Կկարողանանք հաջողության հասնել, թե ոչ՝ կախված է Չեռնոգորիայի այն քաղաքացիներից, որոնց մենք կանչել ենք և փողոց դուրս բերել: Եթե բավականաչափ մեծ լինի քաղաքացիների թիվը, մենք կդադարեցնենք այս օրենքի ընդունումը, եթե ոչ, այն կանցնի»,- հայտարարել է քաղաքական գործիչը: