Էստոնիայի ընդդիմությունը անվստահություն կհայտնի Ներքին գործերի նախարար Մարտ Հելմեին՝ Ֆինլանդիայի կաբինետին և նրա ղեկավար Սաննա Մարին վիրավորելու համար, եթե Էստոնիայի վարչապետ Յուրի Ռատասը չազատի նրան պաշտոնից՝ ասել է խոշորագույն ընդդիմադիր Ռեֆորմիստական կուսակցության առաջնորդ Քայա Կալասը։
Կիրակի օրը Էստոնիայի ՆԳՆ ղեկավար, Պահպանողական ժողովրդական կուսակցության նախագահ Մարտ Հելմեն, մեկնաբանելով Սաննա Մարինի նշանակումը Ֆինլանդիայի վարչապետի պաշտոնում, ասել է, որ այդ կապակցությամբ նա կցանկանա հիշել «Վլադիմիր Ուլյանով-Լենինի խոսքերը, որ ցանկացած խոհարար կարող է դառնալ Նախարար»: Ֆինլանդիայում, ընդգծել է Հելմեն, կա ճշգրիտ մի իրավիճակ, որում «վաճառողուհին բարձրացել է վարչապետի պաշտոնի»: Նա Ֆինլանդիայի կառավարության մյուս անդամներին անվանել է փողոցների ակտիվիստներ և անտեղյակ անձինք։
Հետագայում Հելմեն ասել է, որ ինքն արտահայտել է իր սեփական և կուսակցության դիրքորոշումը և ոչ թե ամբողջ կառավարության:
