Ադրբեջանական APA լրատվական գործակալության փոխանցմամբ՝ ԱՄՆ-ի Ատլանտյան խորհրդի Եվրասիական կենտրոնի տնօրեն, Ադրբեջանում և Թուրքիայում ԱՄՆ-ի նախկին դեսպան Ռոսս Ուիլսոնն անդրադարձել է ղարաբաղյան հակամարտության կարգավորմանը.
«Ակնհայտ է, որ Կազանի հանդիպումը չպսակվեց հաջողությամբ։ Դա բազմաթիվ հանդիպումներից մեկն էր։ Գործընթացը շարունակվում է, և անհրաժեշտ է կարգավորել այդ գործընթացը։
Հուսով եմ, որ Հայաստանի և Ադրբեջանի նախագահները մոտ ապագայում կանեն վերջին մի քանի քայլերը հիմնարար սկզբունքների համաձայնեցմանը հասնելու համար, որպեսզի դրանից հետո էլ սկսվի աշխատանքը հակամարտության կարգավորման դետալների վրա։
Երկու երկրների առաջնորդները կարող են խնդրի լուծման դեպքում մեծ վստահության արժանանալ իրենց ժողովուրդների կողմից»։
