Թուրքիայի խորհրդարանի հայազգի պատգամավոր Կարո Փայլանը Ստամբուլում ընթացող Պոլսո պատրարքի ընտրության վերաբերյալ ուշագրավ հայտարարություն է արել։
Փայլանը թվիթերյան իր միկրոբլոգում տեղեկացրել է, որ չի մասնակցելու ընտրությանը և որևէ մեկի օգտին չի քվեարկելու:
«Ընտրված անձին իմ պատրիարքը չեմ համարելու։ Պատմության սև էջերում կգրվեն մեր պատվի հետ խաղացող պետական այրերի և նրանց հետ համագործակցող հոգևորականների անունները», հայտարել է նա:
Նշենք, որ հայ համայնքի շրջանում դժգոհություն է առաջացրել այն փաստը, որ Թուրքիայի ներքին գործերի նախարարության կողմից պատրաստված Պատրիարքի կանոնադրությունում սահմանվել էր, որ պատրիարքի թեկնածու կարող են լինեն միայն Պոլսո պատրիարքական աթոռին ենթակա եպիսկոպոսները՝ սահմանափակելով ընտրությանը մասնակցելու իրավունք ունեցող թեկնածուների քանակը:
