Պրոֆեսիոնալ բռնցքամարտի IBF/IBO/WBA/WBO վարկածներով գերծանր քաշային կարգում աշխարհի չեմպիոն Վլադիմիր Կլիչկոն հայտարարել է, որ ցանկանում է ևս 10 տարի շարունակել մարզական կարիերան:
Ապրիլի 26-ին Վլադիմիրի հակառակորդն ավստրալացի Ալեքս Լեապային է լինելու:
«Ես նոր եմ դարձել 38 տարեկան: Մինչև հիմա հաղթանակների ծարավ եմ զգում: Մի քանի տարի առաջ կարծում էի, որ այլևս չեմ կարող բարելավել որակներս, բայց իմ նպատակը դեռ ի կատար չի ածվել:
Ցանկանում եմ կարիերաս շարունակել ևս 10 տարի: Զգում եմ, որ փորձի, մարզական գիտելիքների, տեխնիկայի և մարտավարական հնարքների համադրումն ինձ ավելի ուժեղ է դարձնում»,- Կլիչկոյի խոսքերը մեջբերում է Boxing Scene-ը:
