Հարավային Կալիֆոռնիայի համալսարանում մշակում են նոր ինտերակտիվ քարտեզներ, որոնք, ի տարբերություն Google Maps քարտեզների, կարող են գործել իրական ժամանակում: Ինչպես գրում է The Daily Mail-ը, սկզբում ամեն ինչ նման է սովորական 3D ձևաչափի քարտեզներին, սակայն երբ նկարը մոտեցվում է, նկատելի են շարժվող մեքենաներ և անցորդներ:
Այս նոր մեթոդը կոչվում է գեոիմերսիա (լատիներեն սուզվել բառից), որը թույլ է տալիս միավորել վիրտուալ և իրական աշխարհները, ինչը ոչ հեռու ապագայում թույլ կտա ինտերնետից օգտվողներին ներկայացնել «աշխարհի ամենաինտերակտիվ» քարտեզը: Փողոցային շարժումն անընդհատ փոխվում էր, որպեսզի այն անընդհատ թարմ լինի, ինչը չեն կարողանում Google-ի քարտեզները. անհրաժեշտ է անընդհատ թարմացնել այդ փոփոխությունների «պատմությունը»:
Այսինքն, բացատրում են մասնագետները, այս նոր մտահղացման հիմքում ընկած է նոր «պատմական մոդելների» կառուցումը, որոնք ստեղծվում են իրական ժամանակում տարբեր աղբյուրներից ստացվող տեղեկությունների հիման վրա: Բացի Google Maps-ից, այս նոր նախագծի համար օգտագործվելու է նաև այլ աղբյուրներից ստացվող և անընդհատ փոփոխվող ինֆորմացիան: