Ամերիկյան Դենվեր (Կոլորադո նահանգ) քաղաքի բնակիչ Քորթնի Յանգը գրեթե լիովին երջանիկ էր, երբ պատրաստվում էր ամուսնանալ իր սիրելիի՝ Թաներ Քրիտեմեյերի հետ: Միակ բանը, որ իրեն պակասում էր, հայրն էր՝ Դոնին: Նա ոստիկան է եղել: 2005-ին նրան սպանել են ծառայողական հերթապահության ժամանակ: Քորթնին և նրա քույրը՝ Քելսին, մնացել են իրենց մոր՝ Քելիի հետ։
Սակայն, հարսնացուին անակնկալ էր սպասվում, որը նրանից գաղտնի կազմակերպել էր մայրը: Մահացածին փոխարինել են նրա յոթ ընկերները` ոստիկանության ծառայողներ: Քորթնիին խորանի մոտ է ուղեկցել Քելին, բայց ոստիկանության աշխատակիցները հետևել են նրանց: Հարսնացուի ավանդական պարը հոր հետ աղջիկը պարել է հերթով նրանց բոլորի հետ: Ընդ որում, հնչել է մի երգ, որը հայրը ժամանակին նվագում էր Քորթնիի համար, երբ նա փոքրիկ աղջիկ էր: Այս երաժշտության ներքո Սուրբ Ծնունդի տոնին նա ժամանակին նրան նվիրել էր վզնոց՝ իր ոստիկանության կրծքանշանի փոքրիկ օրինակով: Այս վզնոցը փաթաթված էր աղջկա հարսանեկան ծաղկեփնջին: Fox News-ի փոխանցմամբ՝ հյուրերը հուզվել են: Իսկ հարսնացուն ինքը լաց է եղել հումունքից։