Ինչպես գրում է The Telegraph-ը, անցած չորեքշաբթի 185 միլիոն եվրո շահողը դեռ չի ներկայացել իր գումարը ստանալու համար: Ողջ Բրիտանիան փնտրում է միլիոնատիրոջը, իսկ EuroMillions-ի թեժ գիծը թեժացել է բառի իրական իմաստով, քանի որ միլիոնավոր մարդիկ զանգում են՝ իմանալու, թե իրականում ով է այդ երջանիկը:
EuroMillions վիճակահանությունն անցկացվում է Եվրոպայի մի շարք երկրներում՝ Ավստրիա, Բելգիա, Ֆրանսիա, Լյուքսեմբուրգ, Իսպանիա, Շվեյցարիա և Մեծ Բրիտանիա: Միայն հայտնի է, որ շահող տոմսը գնվել է Մեծ Բրիտանիայում: Նշվում է, որ գլխավոր մրցանակը՝ 185 միլիոն եվրոն, չեն կարողացել խաղարկել 14 անգամ, քանի որ ոչ մեկը չէր գուշակում բոլոր թվերը:
Թերթը նաև տեղեկացնում է, որ հաջողակ տոմսի տիրոջ ի հայտ չգալու դեպքում կես տարի անց ողջ գումարը կփոխանցվի բարեգործության:
