Մոդել և հեռուստաաստղ Քիմ Քարդաշյանն իր չորս զավակների հետ Գառնիում արված հիանալի լուսանկարներ է հրապարակել և հերթական անգամ շնորհակալություն է հայտնել ԱՄՆ Ներկայացուցիչների պալատին, որն ընդունել է 1915 թվականի Հայոց ցեղասպանությունը ճանաչող բանաձևը:
«Երեկ հիանալի հաղթանակ էր հայ ժողովրդի համար, երբ ԱՄՆ Ներկայացուցիչների պալատն ընդունեց Հայոց ցեղասպանությունը», – հրապարակմանը կից գրել է հեռուստաաստղը։
Քիմի գրառումն ուղեկցվում է անհավանական գեղեցիկ լուսանկարներով, որոնք արվել են հայտնի լուսանկարիչ Ջեկի Նիկերսոնի կողմից՝ Քիմի Հայաստան կատարած վերջին այցի ժամանակ։
Ավելի վաղ, այս ամսվա սկզբին Քիմ Քարդաշյանը հայրենիքում մկրտել է փոքր երեխաներին։ Այդ օրն արարողությանը բացի 3-ամյա Սեյնթից, 1-ամյա Չիկագոյից և 4 ամսեկան Փսալմից մասնակցել է նաև Քիմ Քարդաշյանը, ինչպես նաև նրա 40-ամյա քույրը՝ Քորթնի Քարդաշյանը և նրա երեխաները։ Մկրտության ժամանակ Քիմը ստացել է Հեղինե անունը, իսկ Քորթնին՝ Գայանե։