Տեխասի (ԱՄՆ) առողջության կենտրոնի մասնագետները, Հելսինկիի համալսարանի կենտրոնական հիվանդանոցի իրենց ֆինլանդացի գործընկերների հետ միասին, բացահայտել են տարիքը, որը կապված է սրտանոթային հիվանդությունների պատճառով մահվան բարձր ռիսկի հետ:
Ուսումնասիրությունը ցույց է տվել, որ 40-ից բարձր տարիքի տղամարդիկ պետք է հատկապես ուշադիր լինեն իրենց օրգանիզմի նկատմամբ: Ընդ որում, կանանց մոտ վտանգավոր տարիքը սկսվում է շատ ավելի վաղ՝ 30 տարեկանում:
Ինչպես պարզել են գիտնականները, կանանց և տղամարդկանց մոտ հենց այս տարիքային կատեգորիաներում է բարձրանում սրտի կաթվածի կամ ինսուլտի առաջացման վտանգը:
Այս վտանգավոր հիվանդությունների զարգացումը հրահրող բացասական գործոններն են՝ սթրեսը, ծխելը, ալկոհոլը, անառողջ սննդակարգը և նստակյաց ապրելակերպը, հայտնում է «MK-ն՝ Volgograd.ru-ում»:
