Լուրեր
Կնոջս չեմ ցանկանում, կիրք չեմ զգում, կորցրել եմ նրա հանդեպ սեռական զգացողությունը (18+)

Եթե ունեք հարցեր սեռական ոլորտից, սեքսապաթոլոգ Վրեժ Շահրամանյանը «Սեռական հոլով» հաղորդաշարի ընթացքում կարող է տալ ձեզ հուզող հարցերի պատասխանը: Մեր այսօրվա հյուրի հարցը կապված է տարիներ առաջ նրա թույլ տված անզգույշ քայլի հետ, որն այօր արդեն իր պտուղներն է տվել:

«Շուրջ տասը տարի ամուսնացած եմ, ունեմ երկու երեխա: Խնդիրն այն է, որ ես սեռական կիրք չեմ զգում կնոջս հանդեպ: Տարիներ առաջ մի դեպք պատահեց, ես ծանոթացա մեկ այլ կնոջ հետ, մեր հարաբերությունները խորացան և նրա հետ փոխհարաբերության ընթացքում ես ինձ տղամարդ էի զգում, նա շատ կրքոտ էր և իրեն շատ ազատ էր պահում, իսկ կինս այդպիսին չէր… Այդ ժամանակահատվածում իմ կնոջ հետ սեռական հարաբերության ցանկություն չէր առաջանում իմ մեջ, պարզապես պարտականութուն էի կատարում, ժամանակի ընթացքում նա դա զգաց և դրանից էլ կոնֆլիկտներ առաջացան: Այդ ընթացքում իմ ընկերուհին էլ իրեն սկսեց ագրեսիվ պահել, և ես հասկացա, որ ընտանիքս չպետք է քայքայեմ իմ հաճույքների համար… Փորձում եմ վերադառնալ ընտանիք»,- նշեց այսօրվա մեր հյուրը:

Վրեժ Շահրամանյանի խոսքով՝ տղամարդու բնությունը երբեմն, իր պահանջներից ելնելով, հանգեցնում է անզգույշ, անգամ վտանգավոր քայլերի. «Իհարկե տղամարդու սեռականությունը, ի տարբերություն կնոջ, համեմատաբար ավելի պարզ է, երբ որ նա սեռական կյանքի ավելի ընդգծված գույներ է տեսնում, կարող է և տարվել դրանցով՝ չմտածելով, որ դա վտանգավոր կարող է լինել… Իհարկե կինը կհիշի եղածը, բայց կարող է այն մոռանալ, տեսնելով ամուսնու վարքագծային դրական փոփոխությունը անկողնում: Աստիճանաբար, բայց համառ քայլերով պետք է կարողանալ կնոջն ապացուցել, որ ինքը միակն է ձեզ համար, և որ այն, ինչ եղել է, ուղղակի սայթաքում է եղել և զղջում եք դրա համար: Պետք է նաև թարմություն ներմուծել հարաբերությունների մեջ, որպեսզի կինը զգա, որ ցանկալի է ձեզ համար, աստիճանաբար դուք էլ թարմություն կզգաք անկողնում, և դուք կլինեք շատ ավելի երջանիկ»:

Մանրամասն՝ տեսանյութում:

  • Դիտումներ՝ *