Մեծ Բրիտանիայի բնակիչները տարեկան աղբամանն են նետում մոտ 15 մլն տոննա սննդամթերք։ Այս մասին ասվում է ապրիլի 6-ին Լորդերի պալատի հրապարակած զեկույցում, որը կոչ է անում երկրի կառավարությանը լուծել խնդիրը։
Կառավարության տվյալներով՝ ամբողջ Եվրամիությունում տարեկան դեն են նետում մոտավորապես 90 մլն տ սնունդ։ Դա միլիարդավոր դոլարների վնաս է հասցնում տնտեսությանը, ինչպես նաև բացասաբար է ազդում շրջակա միջավայրի վրա։
Առաջացած հիմնախնդրի գլխավոր աղբյուր են համարվում առևտրային ցանցերը, որոնք սպառողներին պարտադրում են պահանջվածից շատ ավելի սննդամթերք գնել, օրինակ, «երկուսը՝ մեկի գնով» ակցիաների օգնությամբ։ Արդյունքում՝ ամբողջ սննամթերքի 30-50%-ը փչանում է և դեն նետվում։
