Վաշինգտոնը որոշում է ընդունել Ճապոնիայում տեղակայել երկու հավելյալ ականակիր նավ, որը հիմնված է լրտեսման համակարգչային և Aegis համակարգով: Այս մասին հաղորդում է ITAR-TASS-ը՝ վկայակոչելով ԱՄՆ պաշտպանության նախարար Չակ Հեյգելի հայտարարությունը, ով պաշտոնական այցով գտնվում է Տոկիոյում:
«ԱՄՆ-ը մտադիր է Ճապոնիայում Aegis համակարգով երկու հավելյալ ականակիր նավ տեղակայել»,- ընդգծել է Հեյգելը:
Նրա խոսքերով՝ այս քայլը պայմանավորված է Ասիա-խաղաղօվկիանոսյան տարածաշրջանում իրավիճակի լարվածությամբ՝ կապված Հյուսիսային Կորեայի ակտիվացման և նրա կողմից հրթիռների արձակման հետ: Այսպիսով՝ Ճապոնիայում տեղակայված ԱՄՆ ռազմական նավատորմում արդեն կա 7 նավ՝ հիմնված հակահրթիռային պաշտպանության համակարգով:
Այսօր Հեյգելի և նրա ճապոնացի գործընկերոջ՝ Իցունորի Օնոդերի հետ հանդիպման ընթացքում կողմերն ընդգծել են, որ «կշարունակեն ակտիվ երկկողմ համագործակցությունը»՝ Կորեական թերակղզու իրավիճակի և «Հյուսիսի սադրիչ հրթիռային արձակումների» հետ կապված:
