Ուկրաինայի նախագահ Վլադիմիր Զելենսկին 2014 թ.-ին փորձել է ներողություն խնդրել Չեչնիայի ղեկավար Ռամզան Կադիրովից՝ նրա մասնակցությամբ կադրերը իր հումորային ծրագրում օգտագործելու համար, հայտնում է «ՌԻԱ Նովոստին»:
Նշվում է, որ այդ ժամանակ Զելենսկին ղեկավարել է «Կվարտալ 95» ստուդիան:
Ըստ ուկրաինական լրատվամիջոցների՝ Զելենսկին եկել է ներքին գործերի փոխնախարար Վլադիմիր Եվդոկիմովի մոտ, քանի որ, իբր «վախենում էր իր կյանքի համար»: Դրանից հետո Զելենսկիի համար հանդիպում է կազմակերպվել միջնորդի հետ, որն, իբր, զրուցել է Չեչնիայի ՆԳՆ ղեկավարի տեղակալի հետ, այնուհետև հենց վարչության պետի հետ, ինչից հետո վերջինս խոսել է Զելենսկիի հետ:
Նաև 2019-ի ապրիլին Վլադիմիր Զելենսկին կրկին ներողություն է խնդրել մուսուլմաններից այդ կադրերն օգտագործելու համար, որտեղ Կադիրովը լաց էր լինում աղոթքից հետո: Նա բացատրել է, որ ինքը տեղյակ չի եղել տեսանյութի մասին, քանի որ չի վարել այդ ծրագիրը: