Հարավային Կորեան հաջողությամբ իրականացրել է մեծ հեռահարության բալիստիկ հրթիռների փորձարկում, որոնք ի վիճակի են խոցել հարևան Հյուսիսային Կորեայի տարածքում ցանկացած կետ: Այս մասին հայտնում է «Ռենհապ» գործակալությունը՝ հղում անելով երկրի ռազմական շրջանակների աղբյուրներին:
Աղբյուրի խոսքով՝ մարտի 23-ին Ռազմական մշակումների գործակալությունը անցկացրել է 500 կմ հեռահարության հրթիռների փորձարկում:
Մարտագլխիկի քաշը կազմել է 1 տոննա: Փորձարկումները տեղի են ունեցել երկրի արևմուտքում գտնվող Չխունչխոն-Նամդո նահանգում:
«Հրթիռները ճշգրտությամբ խոցել են նախանշված թիրախը»,- հավելել է գործակալության աղբյուրը:
