Լուրեր
Պարտավոր ենք մեր սերունդներին վերադարձնել այնպիսի երկիր, որտեղ բարձրագույն արժեքը մարդն է. Թանդիլյան
  • 17:37
  • 2019-09-10
  • Դիտումներ՝ *

Այսօր՝ սեպտեմբերի 10-ին, Ազգային ժողովի հայտարարությունների ժամին «Լուսավոր Հայաստան» խմբակցության պատգամավոր Մանե Թանդիլյանը նշեց, որ ամեն անգամ բնապահպանական խնդիրների մասին խոսվում է բնապահպանական աղետի ժամանակ. «Մենք ռիսկերի կանխարգելման համար ծախսում ենք շատ քիչ ռեսուրս»:

Նրա խոսքով՝ բնությանը վնաս ենք պատճառում բոլորս: «Հանքարդյունաբերության ոլորտը ուղղակի բարձիթողի վիճակում է: Տնտեսական չհիմնավորված շահը շարունակում է ոլորտը դարձնել գերակա մեր տնտեսության մեջ: Պետական հանքի շահագործման տարեկան վճարը կազմում է մոտ 10 մլն դրամ՝ մի քիչ ավելի, քան գրավատների պետական տուրքն է»:

Մանե Թանդիլյանը շեշտեց՝ մենք պարտավոր ենք մեր սերունդներին վերադարձնել այնպիսի երկիր, որտեղ բարձրագույն արժեքը մարդն է, նրա կյանքը և առողջությունը:

 

Մանրամասները՝ տեսանյութում:

  • Դիտումներ՝ *