Միացյալ Նահանգների Goldman Sachs բանկը կարծում Է, որ ԱՄՆ-ի եւ Չինաստանի առեւտրական պատերազմը բացասական ներգործություն կունենա ամերիկյան տնտեսության աճի վրա եւ կարող Է այնտեղ անկում առաջացնել:
Օգոստոսի 11-ին այդ մասին հայտնել Է Bloomberg գործակալությունը՝ վկայակոչելով Goldman Sachs-ի փորձագետների՝ իր ձեռքի տակ հայտնված վերլուծական զեկուցագիրը: Նրանք գտնում են, որ ԱՄՆ-ը եւ Չինաստանը Վաշինգտոնի կողմից նոր մաքսերի սահմանման եւ Պեկինի պատասխան միջոցների սպառնալիքների պատճառով չեն հասցնի առեւտրական համաձայնագիր կնքել մինչեւ 2020 թվականի ամերիկյան ընտրությունները: Բանկն այդ առնչությամբ ԱՄՆ-ում տնտեսական աճի կանխատեսումն ընթացիկ տարվա չորրորդ եռամսյակում նվազեցրել Է 0,2 տոկոսով՝ մինչեւ 1,8 տոկոս: Զեկուցագրում այն կարծիքն Է հայտնվում, որ նման իրադրությունն առաջացնում Է ներդրողների անվստահությունը եւ կարող Է Միացյալ Նահանգների մասնավոր ընկերություններին ստիպել կրճատելու ծախսերը եւ ներդրումների ծավալը։
