«Ռուսաստանն ամենաշատն ատող» մարդու տունը վարձակալությամբ է տրվում

Անգլիայի Սուրեյ կոմսությունում գտնվող առանձնատունը, որտեղ ժամանակին հանգստացել է Մեծ Բրիտանիայի վարչապետ Ուինսթոն Չերչիլը, վարձակալվող կացարանների շուկայում է հայտնվել, հաղորդում է Manison Global-ը։

Սեփականատերը, որի անունը չի նշվում, ցանկանում է դրա միջոցով ամսական 9․5 հազար ֆունտ վաստակել։ Օբյեկտը վարձակալութամբ հանձնելով զբաղվում են Hamptons International Lettings ֆիրմաները։

Գոդլամինգ քաղաքի մերձակայքում գտնվող տունն ունի 8 ննջասենյակ, մի քանի լոգասենյակ, խոհանոց, 4 սենյակ՝ հյուրեր ընդունելու համար, գինու մառան։ Քոթեջը կառուցվել է XVI դարում և վերանորոգվել 1890-ին՝ բրիտանացի հայտնի ճարտարապետ Էդվին Լանդսիր Լաչենսի նախագծով։

Օբյեկտը երկրորդ կարգի հուշարձանի կարգավիճակ ունի։

Ուինսթոն Չերչիլը կնոջ հետ այստեղ է անցկացրել 1915-ի ամառը։

Լենին Չերչիլին անվանում էր «Խորհրդային Ռուսաստանն ամենաշատն ատող» մարդ։