«Կոտրված սրտի համախտանիշը» (տակոցուբո) կարող է դառնալ քաղցկեղի զարգացման պատճառ: Այսպիսի եզրակացության են հանգել ամերիկացի սրտաբանները՝ հաղորդում է Journal of the American Heart Association-ը:
Տակոցուբոյի համախտանիշը բնութագրվում է սրտային սուր անբավարարությամբ: Իր դրսևորումներով նա նման է սրտի նոպային: Մարդը զգում է կրծքում այրող ցավ, արագացած սրտխփոց, շնչահեղձություն: Ավելի հաճախ հիվանդությանը նախորդում է էմոցիոնալ կամ ֆիզիկական սթրեսը: Այն կարող է առաջանալ ինչպես տխուր, այնպես էլ չափազանց ուրախ իրադարձություններից
Գիտնականները հետազոտել են 1600 կամավորների և պարզել, որ տակոցուբոյի համախտանիշով յուրաքանչյուր 6-րդ մարդու մոտ ինչ-որ ժամանակ անց ախտորոշել են օնկոլոգիական հիվանդություն:
««Կոտրված սրտի համախտանիշի» և քաղցկեղի միջև կապը մինչև վերջ ուսումնասիրված չէ, բայց այն առկա է: Տակոցուբոյի համախտանիշով մեծ թվով հիվանդների մոտ հայտնաբերվում է չարորակ նորագոյացություն: Սակայն խուճապի մատնվել պետք չէ, պարզապես եթե դուք ապրել եք ուժեղ սթրես, ապա ուսումնասիրեք ձեր օրգանիզմը»,- խորհուրդ են տալիս սրտաբանները:
