Դորտմունդի «Բորուսիա»-ի գլխավոր մարզիչ Յուրգեն Կլոպը գոհ է Չեմպիոնների Լիգայի քառորդ եզրափակչի վիճակահանության արդյունքից: «Բորուսիա»-ի հակառակորդը Մադրիդի «Ռեալ»-ն է:
Հիշեցնենք, որ Կլոպի սաները ՉԼ գավաթի նախորդ խաղարկության կիսաեզրափակչում առավելության հասան «Արքայական ակումբ»-ի նկատմամբ (4:1, 0:2):
«Լավ վիճակահանություն էր: Առավելություն ունենք, քանի որ առաջին խաղը տեղի է ունենալու Մադրիդում: Բայց պետք է սպասել և հետևել իրադարձությունների զարգացմանը:
Չենք պատրաստվում ժամանակից շուտ հանձնվել «Ռեալ»-ին»,- ՈւԵՖԱ-ի պաշտոնական կայքը մեջբերում է Կլոպի խոսքերը:
