Diagram մրցանակը, որն ամեն տարի հանձնվում է գրքերի ամենաանհեթեթ անվանումների համար, 2013-ի տվյալներով՝ տրվել է «Ինչպես կեղտոտել հանդիպման ժամանակ» (How to Poo on a Date, Matz & Enzo) գրքին: Այս մասին ասվում է The Bookseller բրիտանական գործարար ամսագրի կայքում: Ամսագիրն էլ հենց հանդես է գալիս մրցանակաբաշխության կազմակերպչի դերով:
Հաղթողի օգտին է քվեարկել ընթերցողների մոտ 30 տոկոսը:
Մրցանակն առաջին անգամ հանձնվել է 1978 թվականին՝ Ֆրանկֆուրտի գրքի տոնավաճառի ժամանակ: 2000 թվականից հաղթողը որոշվում է առցանց բաց քվեարկությամբ:
Մրցանակը դրամական պարգև չի նախատեսում: Սովորաբար հաղթող գիրքն առաջադրողը ստանում է մեկ շիշ գինի, սակայն այս տարի հաղթող գիրքն առաջադրել է խմբագրության աշխատակիցը. գինին կմնա նկուղում:
