Ղրիմում սկսել են բռնագրավել ուկրաինացիներին պատկանող սեփականությունները՝ գրում է Corriere della Serra թերթը:
«Մոսկվայից ուղարկված զինվորականները ցանկանում են ստանալ ոչ միայն ռազմական բազաները: Մարտի 18-ի երեկոյան 10-12 զինված զինվորներ գրավել են Սիմֆերոպոլի կենտրոնից մի քանի կմ հեռավորության վրա գտնվող ավտոսրահը:
Սկսվել է փոքրիկ և անարդարացի պատերազմ: Ղրիմում ավելի հաճախակի են դառնում մասնավոր սեփականության բռնագրավման դեպքերը: Երեքշաբթի բռնագրավվել է Պյոտր Պորոշենկոյին՝ Ուկրաինայի ամենահարուստ օլիգարխին պատկանող օբյեկտը. նրան անվանում են «շոկոլադե արքա»:
Մոսկվայի հովանավորության ներքո գտնվող Ղրիմի գործադիր իշխանության ազդանշանով սկսվել են հանրապետությանը փոխանցվել էներգետիկ ընկերությունները («Չեռնամորնավթագազ», «Ֆեոդոսիա»): Առգրավվել են նաև ուկրաինական նախարարության կամ արհմիությունների ենթակայության տակ գտնվող հյուրանոցներ և զբոսաշրջային կառույցներ, նաև՝ «Արտեկ» ճամբարը: Exonmobile, Chevron, Eni, Edif բազմազգ ընկերություններին պատկանող խոշոր բիզնեսն անցել է «Գազպրոմ»-ին:
Վարչապետ Սերգեյ Ակսյոնովը չեղյալ է հայտարարել Ուկրաինայի քաղաքացիական օրենսգրքի գործողությունը: Մոտ 300 հազար ուկրաինացիների իրավունքներն ու փաստաթղթերը չեղյալ կհամարվեն՝ սկսած բնակարանների սեփականաշնորհման փաստաթղթերից մինչև պատենտներ»,- գրում է պարբերականը:
