Եվրասիական տնտեսական հաձնաժողովը (ԵՏՀ) քննարկում է Եվրասիական տնտեսական միության (ԵՏՄ) երկրներում խոշոր անդրազգային կորպորացիաների ստեղծման պիլոտային նախագծեր։ Այս մասին TASS-ի հետ հարցազրույցում, ԻՆՆՈՊՐՈՄ-ի համաժողովի ընթացքում ասել է ԵՏՀ արդյունաբերության և ագրոարդյունաբերության համալիրի նախարար Ալեքսանդր Սուբոտինը։
«Մենք գնահատում ենք իրականացրել։ Պարզվել է, որ նման անդրազգային կորպորացիայի ստեղծման գաղափարն իրականացնելը հեշտ չէ։ Առաջին փուլում մենք առաջարկում ենք ընտրել երկու-երեք նման պիլոտային նախագիծ և դրանց հիման վրա արդեն տեսնել, թե ինչպես են աշխատում կոնկրետ մոդելները, որպեսզի հետո տարածենք մյուս ճյուղերում»,- ասել է Սուբոտինը։
Նրա խոսքով՝ պիլոտային նախագծերը կարող են իրականացվել ԵՏՄ երկրների կողմից՝ արդեն առկա կոոպերացիոն կապերի հիման վրա, օրինակ՝ մեքենաշինության և թեթև արդյունաբերության բնագավառներում։
«Կարելի է նաև փորձել գործարկել նման պիլոտային նախագիծ գյուղատնտեսական մեքենաշինության ոլորտում, անօդաչու կառավարմամբ գյուղտեխնիկայի ոլորտում։ Նման նորություններ կան Բելառուսի Հանրապետությունում, Ղազախստանում կան գաղափարներ, Ռուսաստանի Դաշնությունում կան հսկայական նախագծեր։ Ինչո՞ւ չմիավորվել և մի ինչ-որ բրենդային բան չանել»,- ասել է ԵՏՀ նախարարը։
