«Թբիլիսի փրայդ» ԼԳԲՏ կազմակերպության առաջնորդներից Գեորգի Տաբագարին տեղեկացրել է շարժման հուլիսի 8-ին կայանալիք ակցիայի չեղարկման մասին, հաղորդում է «Ինտերֆաքսը»:
Նրա խոսքերով, չնայած միջոցառման չեղարկմանը, ԼԳԲՏ շարժման մասնակիցները չեն հրաժարվել «արժանապատվության երթ» անցկացնելու գաղափարից:
«Մենք մեր ակցիան չենք անցկացնի ՆԳՆ շենքի դիմաց, քանի որ դա կապված է մեր կազմակերպության անդամներին ուղղված սպառնալիքների հետ»,- հայտարարել է Տաբագարին:
Պարզաբանվում է, որ ներքին գործերի նախարարության դիմաց հավաքվել են արմատական հայացքներ կրող տղամարդիկ, որոնք մտադիր են խոչընդոտել «անբարոյական» միջոցառման անցկացումը:
Ավելի վաղ հաղորդվել էր, որ Վրաստանի շատ բնակիչներ քննադատաբար են մոտեցել «Ռուսթավի-2» հեռուստաալիքի եթերում ՌԴ նախագահ Վլադիմիր Պուտինին վիրավորելու միջադեպին:
