Նորվեգացի գիտնականների 65-ամյա հետազոտության տվյալների համաձայն, ցրված սկլերոզով (ՑՍ) հիվանդների մոտ ուռուցքային հիվանդությունների զարգացման հավանականությունն ավելի մեծ է: Այս մասին հաղորդում է Medicalxpress-ը, հղում անելով Օսլոյում Եվրոպական նյարդաբանության ակադեմիայի 5-րդ համագումարին ներկայացված զեկույցին:
Մասնագետները պարզել են, որ ՑՍ-ով տառապող մարդկանց մոտ ի համեմատ այդ հիվանդությամբ չտառապողների, շնչառական օրգանների քաղցկեղի առաջացման վտանգը մեծանում է 66%-ով, կենտրոնական նյարդային համակարգինը (հիմնականում ուղեղի)՝ 52%-ով, միզուղիներինը՝ 51%-ով:
Ընդ որում, ընդհանուր առմամբ, վտանգն աճում է 14%-ով:
Այս արդյունքները ստացվել են 1930-1979 թթ. ծնված ՑՍ-ով հիվանդ 6883 հիվանդների երկարատև հետազոտության արդյունքում:
«Այս ուսումնասիրությունը կարևորում է ՑՍ-ով հիվանդների շրջանում քաղցկեղի առաջացման վտանգի մասին իրազեկվածության բարձրացման անհրաժեշտությունը, ինչը պետք է հանգեցնի քաղցկեղի ավելի արդյունավետ ախտորոշմանը՝ արդյունքների և գոյատևման բարելավման համար»,- պարզաբանել է Հոքլանդի համալսարանական հիվանդանոցի առաջատար հետազոտող Նինա Գրիթենը:
