Եվրասիական տնտեսական միության ընդլայնում՝ մասնակից նոր երկրների ներգրավմամբ, չի պլանավորվում: Այդ մասին ՏԱՍՍ-ին տված հարցազրույցում հայտարարել է Եվրասիական տնտեսական հանձնաժողովի կոլեգիայի նախագահ Տիգրան Սարգսյանը:
«Մենք այժմ օրակարգում նման հարց չունենք: Մեր ինտեգրացիայի զարգացման ներկա փուլում մենք պետք է այն խորացնենք, այլ ոչ թե ընդլայնենք: Հանենք խոչընդոտները, սահմանափակումները, բացառումները, որպեսզի մեր ընդհանուր շուկաները լիարժեք աշխատեն: Այդժամ մեր միության գրավչությունը բազմակի կմեծանա: Ուստի պետությունների ղեկավարները մեր առջև ահա այդ խնդիրն են դրել: Այժմ ավելի ճիշտ է աճել՝ խորանալով, քան ընդլայնվելով»,- նշել է նա:
