Որոշ մարդիկ կարող են գնալ ամեն ինչի՝ իրենց նպատակին հասնելու համար: 28-ամյա ամերիկուհի Սենդի Նուգենը հարազատներին և հարևաններին հավաստիացրել է, որ իր երեխան անբուժելի հիվանդ է: Սուտը կինը հորինել է Դիսնեյլենդ ուղևորվելու համար գումար վաստակելու նպատակով, հաղորդում է Metro-ն:
Երեխային քաղցկեղից փրկելու բարեգործական արշավը Կոլորադոյի բնակիչը սկսել է 2012թ. սեպտեմբերին: Կինը ստեղծել է վեբ-կայք, որում հրապարակել է տղայի հիվանդության հորինված պատմությունը: Նա գրել է, որ իր երեխան առավելագույնը 8 ամսվա կյանք ունի: Հարևանները, դպրոցի ծնողական կոմիտեի անդամները, որտեղ սովորում էր տղան, գումար են հավաքել երեխայի քիմիաթերապիայի կուրսի համար:
Արդյունքում Սենդի Նուգենին հաջողվել է հավաքել 25 հազար դոլար: Երեխան ևս համոզված էր, որ հիվանդ է քաղցկեղով և շուտով կմահանա: Բարեբախտաբար, նման բան տեղի չի ունեցել: Ամեն ինչ ավարտվել է նրանով, որ հավաքված միջոցներից 16 հազար դոլար կինը վատնել է Դիսնեյլենդ մեկնելու վրա:
Կնոջը առաջադրվել է խոշոր չափի գումար հաշփտակելու մեղադրանք, չի հստակեցվում, թե ինչ պատիժ է սպասվում նրան:
