HyQ չորքոտանի ռոբոտը ստեղծվել է իտակալան տեխնոլոգիական ինստիտուտի (IIT) կողմից: Ռոբոտի անվանումը գաղտնազերծվում է որպես Hydraulically actuated Quadruped:
Չնայած նրան, որ գյուտարարները HyQ-ի նախատիպը ներկայացրել էին մի քանի տարի առաջ, այս անգամ ռոբոտը ավելի կատարելագործված է՝ գրում է vesti.ru-ն:
Նախագծի ղեկավար Կլաուդիո Սեմինին նոր մոդելը դարձրել է ավելի ունիվերսալ: Այժմ այն կարող է քայլել, վազել, թռչկոտել բոլոր 4 վերջույթների վրա և անգամ տեղաշարժվել V-աձև՝ առանց ընկնելու ու սայթաքելու: Տեղաշարժման ներկայիս հնարավորությունները ռոբոտին թույլ են տալիս հաղթահարել տարբեր խոչընդոտներ:
Մասնագետները կարծում են, որ HyQ-ն կարող է ունենալ տարբեր կիրառություններ, օրինակ՝ կարող է որոնել ու փրկել մարդկանց, աշխատել աղտոտված տարածքներում, մասնակցել հրդեհաշիջման աշխատանքներին, այն կծառայի նաև որպես փորձարարական հարթակ գիտնականների համար, որոնք հետաքրքրվում են բիոմեխանիկայով, ավտոնոմ նավիգացիայով և ուժի վերահսկողությամբ:
