Այսօր՝ հունիսի 25-ին, Ազգային ժողովը շարունակում է արտահերթ նիստի աշխատանքները: Այժմ քննարկվում է Արարատ Միրզոյանի ներկայացրած՝ ԱԺ կանոնակարգ սահմանադրական օրենքում լրացումներ կատարելու մասին օրենքի նախագիծը և կից ներկայացված օրենքների փաթեթը 1-ին ընթերցմամբ ընդունելու մասին հարցը:
«Այժմ ԱԺ-ում ներկայացված է 3 քաղաքական ուժ: Պատկերացնենք մի պահ, երբ Ազգային ժողովը կլինի ավելի բազմամշակույթ և ավելի շատ քաղաքական ուժերով: Ասենք՝ ունենք 6 ընդդիմադիր խմբակցություն. ինչպե՞ս եք պատկերացնում, որ նրանք կարող են գալ համաձայնության և ինքնավար մարմնի համար ներկայացնել 1 թեկնածու»,- Արարատ Միրզոյանին հարցրեց «Լուսավոր Հայաստան» խմբակցության պատգամավոր Անի Սամսոնյանը:
Պատգամավորի կարծիքով՝ ներկայացված նախագիծը վերահսկողության առումով խնդիրներ է ստեղծում ընդդիմադիր խմբակցությունների համար. «Մեկ միասնական թեկնածուն լինելու է մեկ խմբակցությունից, և մյուս խմբակցությունը միգուցե ընթացքում ունենա անվստահության խնդիր այդ թեկնածուի նկատմամբ: Այս համատեքստում կարծես փորձում եք կռիվ գցել ընդդիմադիր խմբակցությունների տունը, ինչը ես կարծում եմ՝ խնդրահարույց է»:
Մանրամասները՝ տեսանյութում:
