«Բարսելոնա»-ի սկաուտները ներկա կգտնվեն Եվրոպայի լիգայի գավաթի խաղարկության 1/8 եզրափակիչ փուլի «Նապոլի» – «Պորտու» պատասխան հանդիպմանը, որը տեղի կունենա մարտի 20-ին, հաղորդում է Sport.es-ը:
Կատալոնական ակումբի ներկայացուցիչների գլխավոր նպատակը կլինի պորտուգալացիների 22-ամյա աջ պաշտպան Դանիլուի խաղին հետևելը: Նա դիտարկվում է որպես Իսպանիայի գործող չեմպիոնի խաղացող Դանի Ալվեսի հավանական փոխարինող, ով, ամենայն հավանականությամբ, ամռանը կհեռանա ակումբից: «Բարսելոնա»-ն այս առիթով կազմել է տրանսֆերային ցուցակ, որում տեղ են գտել այդ դիրքի մեծ թվով ֆուտբոլիստներ:
Ինչ վերաբերում է Դանիլուին, ապա նա Պորտուգալիայի ընթացիկ առաջնությունում մասնակցել է 22 հանդիպման` դառնալով 2 գոլի և 3 արդյունավետ փոխանցման հեղինակ:
