Apple ընկերությունը մտադիր է առցանց iTunes Radio-ն հանել Music հավելման ցանկից: Այս փոփոխությունները կհայտնվեն iOS 8 օպերացիոն համակարգում, որը հնարավոր է կներկայացվի հունիսին կայանալիք WWDC 2014 համաժողովում:
iTunes Radio-ն անցած տարի է ներկայացվել WWDC-ում: Դրա օգնությամբ օգտատերերը կարող են ընտրել կատարողին կամ երգը, կարող են սեփական ռադիոկայաններ ստեղծել: iTunes Radio-ն պահպանում է լսած երգերի ցանկը, հնարավորություն է տալիս գնել դրանցից յուրաքանչյուրը և առաջարկում է երգացանկը նոր երգերով համալրել: iTunes-ի երգացանկում 26 միլիոնից ավել ստեղծագործություններ կան, գրում է hitech.vesti.ru-ն:
