«Մամուլի հետ սուրճ» հաղորդման հունիսի 4-ի հյուրը «Արմինֆո» լրատվական գործակալության քաղաքական մեկնաբան Դավիթ Ստեփանյանն է։
Մեր զրուցակիցն անդրադարձավ «Բաց հասարակություն-Հայաստան» հիմնադրամի դեմ բողոքի ակցիաներին և նշեց.«Իրականում Սորոսը մեզ ոչնչով չի խանգարում, Սորոսը խանգարում է մարդկանց , ովքեր ուզում են այդ թեման օգտագործել, որպեսզի Հայաստանում ուժեղացնեն իշխանության հանդեպ դժգոհությունը։Այդ նույն Սորոսը և՛ Ռոբերտ Քոչարյանի և՛ Սերժ Սարգսյանի ժամանակ աշխատել է Հայաստանում և ես որևէ դժգոհություն չեն նկատել։Սա պետք է դիտարկել ընդհանուր թրնեդի համատեքստում՝ նախկինները փորձում են ցանկացած առիթ օգտագործել իշխանության դեմ ու հիմա Սորոսի անունը կապում են իշխանությունների հետ»։
Դավիթ Ստեփանյանն անդրադարձավ նաև Միհրան Պողոսյանին Ռուսաստանում ժամանակավոր ապաստան տալու հանգամանքին և նշեց, որ հարցը կարող է ունենալ և՛ քաղաքական բաղադիչ և չի բացառվում նաև, որ գործել է կաշառքի մեխանիզմը։