Անկարայի դատարանը մայիսի 30-ին 119 թուրք զինվորականների ցմահ բանտարկության է դատապարտել 2016 թվականի հուլիսին պետական հեղաշրջման փորձին մասնակցելու համար: Այդ մասին հայտնել է NTV հեռուստաալիքը՝ գրում է TASS-ը:
Դատապարտվածների թվում կան ռազմական օդաչուներ, որոնք չհաջողված պուտչի գիշերը ռումբեր են նետել և կրակ բացել մայրաքաղաքում հետախուզական ծառայության, խորհրդարանի և անվտանգության վարչության շենքերի վրա: Այդ անձինք վեցից մինչև 29 ցմահ պատժաժամկետ են ստացել: Նախկին գնդապետ Ուղուր Կապտանը, որը դավադիրների կողմից բռնված զինված ուժերի գլխավոր շտաբի այն ժամանակվա պետ Խուլուսի Աքարին ուղղաթիռով հասցրել է նախագահական պալատի տարածք, ստացել է 29 ցմահ բանտարկություն կամ մոտավորապես 3,9 հազար տարվա կալանք՝ գործած հանցագործությունների միագումարով:
Հիշեցնենք, որ 2016 թվականի հուլիսի 15-ին Թուրքիայի զինուժերի մի խումբ զինվորներ ու սպաներ պետական հեղաշրջման և նախագահ Ռեջեփ Թայիփ Էրդողանին բռնելու փորձ էին ձեռնարկել: Հիմնական դիմակայությունը ծավալվել էր Ստամբուլում և Անկարայում, զոհվել էր 250 մար՝ չհաշված պուտչիստներին, վիրավորվել են ավելի քան 2 հազար մարդ:
