Զուգդիդիում անհայտ անձինք հարձակվել են Վրաստանի նախկին նախագահ Միխայիլ Սահակաշվիլու կնոջ՝ Սանդրա Ռուլովսի վրա, հայտնում է «Ռոսիսկայա գազետան»:
Նշվում է, որ սադրիչները հարձակվել են «Օդիշի» հեռուստաընկերության լրագրողների և հենց Ռուվոլսի վրա, որը քաղաքապետի ընդդիմադիր թեկնածուն է: Հեռուստաընկերությունը թեկնածուի մասին ֆիլմ էր նկարահանում, երբ հայտնվել են անհայտ անձինք: Նրանք վիրավորական արտահայտություններ են բղավել քաղաքական գործչի և լրագրողների հասցեին:
2004-2013թթ. Վրաստանի առաջին տիկինն իր թեկնածությունն է առաջադրել քաղաքապետի ընտրություններին ընդդիմադիր «Ուժը միասնության մեջ է» դաշինքի կողմից, որի մեջ է մտնում նաև «Ազգային միասնական շարժում» կուսակցությունը:
Վրաստանի ներքին գործերի նախարար Գեորգի Գախարիան խոստացել է ուսումնասիրել դեպքի մանրամասները:
